A do të fillojnë reshjet e shiut këtë javë? Ky është parashikimi i motit

 A do të fillojnë reshjet e shiut këtë javë? Ky është parashikimi i motit

Vendi ynë ka kohë që nuk ka pasur reshje me shi dhe në një periudhë të gjatë është duke mbizotëruar thatësia.

Gjatë javës që vjen pritet të ketë temperatura të ndryshueshme, shkruan Prishtina Weather.

Ky është parashikimi i plotë:

Mot i ndryshueshëm gjatë javës në vijim. Vranësira dhe diell, priten edhe reshje lokale shiu. Temperaturat mbeten të larta, pak mbi vlera mesatare.

20.09.2020 – Në ditët e ardhshme vendi ynë ndodhet ndërmjet fushave të presionit të rritur në lindje dhe një turbullire mbi Itali, që gradualisht do të zhvendoset mbi rajonin tonë. Parashihet të mbajë mot i ndryshueshëm, fillimisht kryesisht me diell, e nga dita e martë me vranësira dhe diell. Nga dita e martë kohëpaskohe priten mundësi edhe për riga ose reshje lokale shiu, vende-vende me mundësi edhe për bubullima. Në aspektin termik temperaturat mbeten pak mbi vlera mesatare për këtë periudhë.
Nga dita e premte në veri të rajonit pritet të kaloj një ciklon që rrit gjasat për të sjell më tutje reshje shiu në fundjavë. Nga dita e shtunë rënie e temperaturave.

21.09 – Pas mëngjesit të freskët, ditën më ngrohtë, kryesisht me diell. Pasdite rreth viseve malore mundësi për reshje lokale shiu.

22.09 – Paradite kryesisht me diell. Ditën vranësira dhe diell. Përreth viseve malore priten mundësi për reshje lokale shiu me bubullimë.

23.09 – Kryesisht me vranësira dhe intervale me diell. Pasdite priten reshje lokale shiu me mundësi edhe për bubullima.

24.09 – Vranësira dhe intervale me diell. Vende-vende mundësi për riga lokale shiu.

25.09 – Kryesisht me vranësira dhe intervale me diell. Mundësi për riga lokale shiu.

Temperaturat minimale do të luhaten nga 9C deri në 13C, ndërsa maksimalet nga 24 deri 28C.
Do të fryj erë e lehtë dhe mesatare kryesisht nga krahu jugor 2-8m/s.
Shtypja atmosferike gradualisht në rënie përreth vlerave normale, e në fundjavë me tendencë të rënies.

LAJME TË TJERA