Bilanci me Covid 19 në Kosovë: 855 raste, 26 viktima dhe 403 të shëruar

 Bilanci me Covid 19 në Kosovë: 855 raste, 26 viktima dhe 403 të shëruar

Derisa numri i rasteve është duke u zvogëluar, në Kosovë deri tani janë shënuar rreth 855 raste, 26 viktima e me 403 të shëruar.

Numri i të shëruarve po vazhdon të rritet çdo ditë, e në anën tjetër i të infektuarve ka nisur të zvogëlohet dukshëm.

Vetëm gjatë ditës së sotme nga 254 mostra të marra nga Klinika Infektive, janë konfirmuar 4 raste me COVID-19, ndërsa janë shëruar 22 persona.

Nga 4 maji masat kanë filluar të lehtësohen për qytetarët e Kosovës, ku tani ju lejohet të dalin për 3 orë brenda ditës.Masat tjera priten të lehtësohen në fazat e radhës, që pritet të zgjasin deri në qershor.

Në nivel global deri tani janë konfirmuar rreth 3,53 milion raste. Numri i viktimave ka shkuar në 248 mijë, derisa i të shëruarve është 1,13 milion.

LAJME TË TJERA