Dëshironi t’i merrni paratë nga Trusti?! – Duhet t’i ndiqni këto procedura

 Dëshironi t’i merrni paratë nga Trusti?! – Duhet t’i ndiqni këto procedura

Në kuadër të pakos për rimëkëmbje ekonomike, qeveria e Kosovës ka paraparë që qytetarët të mund të nxjerrin 10% nga Fondi Pensional.

Gazeta Blic ka siguruar këtë pjesë të pakos së rimëkëmbjes ku tregohet edhe se si do të jetë procedura deri te marrja e 10% nga qytetarët.

Fillimisht duhet të aplikohet në formë elektronike në Fondin e Kursimeve Pensionale, për çka do të ketë kohë 4 muaj.

Siç thuhet në dokument të gjitha aplikacionet e bëra në Trust do të shqyrtohen sipas nenit të kësaj pike.

“Pagesa e mjeteve të aprovuara bëhet në bazë të numrit, çmimit dhe vlerës së njësive që ka çdo aplikant në llogarinë e tij personale në FKPK në ditën e aplikimit, përfshirë këtu ndryshimet eventuale në çmimin e njësisë deri në datën e pagesës”, thuhet në ligj.

Kujtojmë se sipas të dhënave të fundit të publikuara nga Fondi i kursimeve Pensionale të Kosovës janë mbi 100 mijë qytetarë të cilët në Trustë kanë vetëm deri në 100 euro.

LAJME TË TJERA