Faqja jonë përdorë "cookies". Në momentin që pranoni këtë, pajtoheni me kushtet e përdorimit të portalit 07 Press. 

E rëndë: E moshuara në Rahovec pi gabimisht domestos, dërgohet pa vetëdije në spital

Një ngjarje e rëndë ka ndodhur në orët e para të mëngjesit të sotëm në fshatin Celinë të Rahovecit, ku një grua e moshuar është dërguar në gjendje kritike për jetën në Spitalin Rajonal në Prizren.

Burimet e Gazetës Sinjali brenda Emergjencës kanë bërë me dije se 65-vjeçarja është dërguar atje pa vetëdije, pasi e njëjta dyshohet se kishte konsumuar detergjent për pastrim (domestos).

Asaj i është dhënë ndihma e parë mjekësore, teksa është hospitalizuar për përkujdesje të mëtutjeshme nga mjekët.

Ndërkohë lidhur me rastin është njoftuar edhe Policia e Kosovës, të cilët kanë dalë në vendin e ngjarjes dhe kanë kontaktuar me të birin e viktimës.

Bazuar në dëshminë e tij, gruaja e moshuar jeton e vetme në shtëpi dhe gjatë natës, nga etja dhe e përgjumur ka mbushur gabimisht gotën me domestos.

Sipas tij, ka qenë vetë nëna e tij e cila e ka njoftuar për atë që ka ndodhur, pasi e ka thirrur për ndihmë.

Me urdhër të prokurorit, rasti është cilësuar ‘Tentim vetëvrasje’.