E enjte, Gusht 11

IPK rekomandon suspendimin e tre zyrtarëve policorë, dyshohen për keqpëdorim të pozitës

Inspektorati Policor i Kosovës ka njoftuar se ka rekomanduar suspendimin e tre zyrtarëve policorë, nën dyshimin se të njëjtit kanë kryer veprën penale “Keqpërdorim i pozitës apo autoritetit zyrtar”.

Kurti liron nga detyra një zëvendës-ministër

Kapiteni, rreshteri dhe zyrtari policor që dyshohen për këtë rast punojnë në Njësinë Rajonale të Trafikut Rrugor në Ferizaj.

Sipas komunikatës IPK ka pranuar informatë se “më 15.04.2022, zyrtarët policorë të NRTRR-Ferizaj e kanë ndaluar një qytetar për vozitje të shpejtë (104 km/h në zonën ku kufizimi i shpejtësisë ishte 50 km/h) dhe ia kanë shqiptuar tiketën në vlerë 500 euro, një vit ndalesë të drejtimit të mjetit motorik dhe 5 pikë negative, sipas nenit 55 të Ligjit për Rregullat e Trafikut Rrugor 05/L-088.

Kjo është gjendja shëndetësore e dy policëve që u plagosën në Skënderaj (PAMJE)

Katër ditë pas shqiptimit të tiketës është anuluar tiketa e parë, i është kthyer patentë shoferi qytetarit dhe i është shqiptuar tiketë e re vëllait të qytetarit për vozitje pa patentë shofer duke e anashkaluar plotësisht Komisionin për Vendosje si autoritet i vetëm për anulimin ose jo të tiketave në trafikun rrugor, sidomos kur ka masë mbrojtëse”.Sipas IPK-së, me këtë rast dyshimet janë se nga zyrtarët policorë (tashmë të suspenduar) është manipuluar tiketa dhe rasti.