LAJMI I FUNDIT: Rahoveci tërhiqet nga organizimi i “Final 8”

Skuadra e Rahovecit është tërhequr nga organizimi i “Final 8”. 

Rahoveci ka vendosur të tërhiqet nga organizimi i garës së dytë për nga rëndësia në basketbollin kosovar.

GazetaBlic Sport mëson ekskluzivisht se arsyeja e këtij vendimi është qasja e gjyqtarëve ndaj klubit në vazhdimësi dhe në ndeshjen e fundit ndaj Pejës në veçanti.

Brenda pak çasteve pritet të bëhet zyrtare edhe nga ana e klubit.

Kujtojmë që në dy vitet e kaluara ky kompeticion ishte organizuar në Rahovec, atje ku skuadra nga ky rajon ishte vlerësuar pozitivisht për punën e saj në të.