Plagosje me armë zjarri në Gjakovë – arrestohet një dyshuar në vendin e ngjarjes

 Plagosje me armë zjarri në Gjakovë – arrestohet një dyshuar në vendin e ngjarjes

Një plagosje me armë zjarri ka ndodhur këtë të shtunë në fshatin Bishtazhin të Gjakovës.

Rastin e ka konfirmuar Kristë Gjokaj, komandant i Policisë së Gjakovë.

Ai ka thënë se, se viktima është transportuar në gjendje të rëndë fillimisht për në spitalin e Gjakovës, ndërsa më vonë për shkak të përkeqësimit të gjendjes është transferuar për në QKUK.

Gjokaj ka thënë se, i dyshuari është arrestuar dhe i është konfiskuar arma.

Po ashtu e ka pranuar veprën penale, duke mos insistuar të arrestohet.

Sot me datën 14.03.2020, rreth orës 15:30, jemi njoftuar për një rast plagosje në fshatin Bishtazhin, ku viktima i lartcekur në gjendje të rëndë ishte transportuar nga një qytetar për në spitalin Isa Grezda në Gjakovë. Patrullat policore kanë dalë në vendin e ngjarjes ku kanë takuar të dyshuarin e lartcekur i cili ka pranuar veprën dhe ka dorëzuar armën e cila sipas tij është përdorur në rast, AL47. I dyshuari është arrestuar dhe arma është konfiskuar. Ndërsa patrulla në spital kemi mësuar se viktima për shkak të gjendjes së rëndë ishte dërguar me autoambulancë në QKUK”, ka thënë Gjokaj.

Lidhur me rastin janë njoftuar prokurori kujdestar, si dhe janë ftuar të gjitha njësitet përgjegjëse për rast.

LAJME TË TJERA