Faqja jonë përdorë "cookies". Në momentin që pranoni këtë, pajtoheni me kushtet e përdorimit të portalit 07 Press. 

Policia jep detaje të reja për aksidentin afër depos Haxhijaha

Një person ka humbur jetën dhe një tjetër ka pësuar lëndime trupore në një aksident komunikacioni që ka ndodhur në hyrje të qytetit të Rahovecit.

Lajmin për teve1.info e ka konfirmuar zëdhënësi i Policisë, Sheremet Elezaj.

Ai ka bërë të ditur se në këtë aksident që ka ndodhur rreth orës 12:00 kanë qenë të përfshira dy vetura.

“Sot rreth orës 11:40 është pranuar informacion për një aksident trafiku në rrugën Xerrxë-Rahovec.Të përfshirë në aksident trafiku kanë qenë dy automjete dhe për pasojë, përveç dëmeve materiale, një person i moshës madhore ka ndërruar jetë (vdekjen e tij e ka konfirmuar personeli mjekësor në QKMF Rahovec)”, ka thënë Elezaj.

Në këtë aksident sipas tij ka mbetur i lënduar edhe një person, i cili pas trajtimit mjekësor është shoqëruar në polici.

Njësitet relevante të policisë kanë dalë në vend-ngjarje si dhe është njoftuar Prokurori i Shtetit i cili po ashtu ka dalë në vendin e ngjarjes. Rasti është duke vazhduar me hetime.