Rahovec – Dyshohet të ketë ngacmuar seksualisht një grua që ishte duke ecur rrugës, arrestohet nga Policia

 Rahovec – Dyshohet të ketë ngacmuar seksualisht një grua që ishte duke ecur rrugës, arrestohet nga Policia

Një person është arrestuar në Rahovec nën dyshimin se ka ngacmuar seksualisht një grua.

Policia e Kosovës ka njoftuar se ngjarja ka ndodhur në mesditën e djeshme.

“Është arrestuar i dyshuari pasi i njëjti kishte ngacmuar seksualisht viktimën gjersa ajo ishte duke ecur në rrugë”, thuhet në raportin 24 orësh të Policisë.

Tutje është thënë se i dyshuari me vendim të prokurorit është dërguar në mbajtje.

Vepra penale për të cilin është arrestuar i dyshuari është Ngacmimi Seksual.

Kjo vepër është e dënueshmë në bazë të Kodit Penal të Republikës së Kosovës.

“Kushdo që ngacmon seksualisht personin tjetër, në veçanti personin i cili është i ndjeshëm për shkak të moshës, sëmundjes, paaftësisë, varësisë, shtatzënisë, paaftësisë së rëndë fizike apo mendore, dënohet me gjobë ose me burgim deri në tri vjet”, thuhet në Kodin Penal.

LAJME TË TJERA