Rasti i vetëm me Covid-19 në Gjilan është si pasojë e kontaktit me virusin në Prishtinë

 Rasti i vetëm me Covid-19 në Gjilan është si pasojë e kontaktit me virusin në Prishtinë

Kryetari i Gjilanit, Lutfi Haziri, ka bërë dhënë detaje për rastin e vetëm që është konfirmuar me Covid-19 në komunën që ai drejton. Ai thotë se personi në fjalë ka marrë virusin në Prishtinë.

‘’Instituti Kombëtar i Shëndetësisë Publike konfirmoi për një rast të ri pozitiv me #Covid19 në Gjilan, si pasojë e kontaktit në Prishtinë. Rasti është nën monitorim nga ana e Qendrës Operative për menaxhimin e emergjencave dhe nuk ka vend për shqetësim.’’, ka shkruar ai.

Tutje ai thotë se ende nuk është mposhtur virusi dhe se qytetarët duhet të vazhdojnë kujdesin deri në përfundim të krizës.

‘’Lehtësimi masave nuk nënkupton që është mbyllur puna me pandeminë, Rasti i fundit dëshmon se duhet të vazhdojmë t’i respektojmë masat mbrojtëse dhe ta mbajmë distancën sociale. Akoma po luftojmë me të panjohurën!’’

LAJME TË TJERA