Sot do të bëhet varrimi i Ramadan Kasapit, të ndjerit nga Rahoveci që gjeti vdekjen dje në aksidentin e rëndë që ndodhi rrugën Rahovec-Xërxë.
Deputeti dhe nipi i Kasapit, Visar Korenica ka njoftuar se varrimi do të bëhet me ikindi, në ora 16:44 në varrezat e qytetit të Rahovecit.
“Të dashur miq e familjarë, varrimi i të dashurit tonë haxhi Ramadanit do të bëhet sot me ikindi në ora 16:44 në varrezat e qytetit. E pamja është e hapur vetëm sot tek shtëpia e të ndjerit përballë Xhamisë së Kadirëve në Rahovec. Ju falënderoj të gjithëve për ngushëllimet, që na e lehtësuat dhimbjen dhe pikëllimin tonë”, ka shkruar ai.