Faqja jonë përdorë "cookies". Në momentin që pranoni këtë, pajtoheni me kushtet e përdorimit të portalit 07 Press. 

Veturën e huaj e shiti për 600 euro në Rahovec, kush është 31-vjeçari që po kërkohet nga Policia?

Mbrëmë u raportua për një rast të pazakontë që ndodhi në fshatin Xërxë të Rahovecit, ku një person shiti për 600 euro një veturë që s’ishte e tij.

Pas mashtrimit që bëri, ai ia mbathi me paratë në xhep, ndërsa pronarit të biznesit i shkoi Policia në derë.

Burimet e Sinjalit bëjnë të ditur se personi i dyshuar për shpërdorim të pasurisë së huaj është A.Rapi, 31-vjeçar.

Pasi njësitet policore kishin shkuar në hapësirat ku ndodhet biznesi që merret me shitblerje të veturave të përdorura, kishin konfiskuar veturën e cila rezultoi të jetë e një shtetasi të Republikës së Shqipërisë, K.S.

Me vendim të prokurorit kanë nisur hetimet lidhur me rastin, ndërsa veprimet tjera ligjore do merren posa të kapet i dyshuari.

Rahovecasit ia vjedhin furgonin nga oborri, ofron shpërblim për atë që e gjen