Zëvendëskryeministri Goran Rakiq heq flamurin e Kosovës nga zyra e takimeve zyrtare

 Zëvendëskryeministri Goran Rakiq heq flamurin e Kosovës nga zyra e takimeve zyrtare

Zëvendëskryeministri i Qeverisë së Kosovës, dhe ministri i Ministrisë së Pushtetit Lokal, Goran Rakiq, duket se ka bërë disa ndryshime në zyrën e tij për takimet zyrtare, duke shkelur kështu protokollin e shtetit.

Rakiq që në ditët e para që ka shkuar në ministri, ka hequr flamurin e Kosovës, i cili përdorej nga paraardhësja e tij, Emilja Rexhepi, në takimet zyrtare.

Ish-Ministrja e MAPL-s, Emilja Rexhepi në takime zyrtare me simbole shtetërore.

Në dy takimet që Rakiqi ka pasur me Ambasadorin e SHBA-së, Philip Kosnett dhe me Përfaqësuesen e BE-së në Kosovë, Nataliya Apostolova, nuk është parë asnjë simbol i shtetit të Kosovës në zyrën e tij, të paktën sipas fotografive zyrtare të cilat zyra për komunikim e kësaj ministrie ua ka dërguar mediave.

Ministri aktual i MAPL-së, Goran Rakiq, gjatë takimeve zyrtare, pa simbole shtetërore.

Lista Serbe vazhdimisht ka sfiduar shtetin e Kosovës dhe deklarohet se nuk e njohin të njëjtin, ndërsa Kosovës i referohen si “Kosova dhe Metohija”.

LAJME TË TJERA