Policia e Kosovës ka dhënë detaje për aksidentin që ka ndodhur në fshatin Dobrushë të Istogut mbrëmë, e i cili përfundoi me një të vdekur e nëntë të lënduar.
Policia në komunikatën e saj ka thënë se aksidenti ka ndodhur rreth orës 22:40.
Siç bën të ditur policia, në aksident ishin të involvuara një traktor dhe dy automjete teksa deri tek aksidenti dyshohet të ketë ardhur nga shpejtësia e madhe dhe tejkalimi i pasigurtë.
Njoftimi i plotë nga Policia:
Ju informojmë se me datë 31 korrik 2023, rreth orës 22:40, Policia është informuar për një aksident trafiku i cili ka ndodhur në fshatin Dobrushё- Istog.
Nё vendin e ngjarjёs kanё dalё njёsitet kompetente tё Njesitit Rajonal tё Komunikacionit Rrugor (NJRKRR).
Nё kёtё aksident ishin tё involvuara, njё traktor dhe dy automjete, dyshohet se deri te aksidenti ka ardhё si pasojё e mos pёrshtatjёs sё shpejtёsisё dhe tejkalimit tё pasigurtё.
Nё vendin e ngjarjёs kanё arritur zjarrёfikёsit dhe autoambulanca, dhjetё (10) personat e pёrfshirё nё aksident janё dёrguar me autoambulancё dhe me automjete private nё Spitalin Rajonal nё Pejё, pёr tretman mjekёsor, aty nga mjekёt kujdestarё ёshtё konstatuar vdekja e njёrit nga personat e lënduar.
Me urdhër të Prokurorit shtetit trupi i pa jetë i viktimës dërgohet në Institutin e Mjekësisë Ligjore në Prishtinë, për Obduksion.