Deputetja britanike, Alicia Kearns, edhe njëherë ka reaguar ndaj Perëndimit lidhur me qasjen e tyre në bisedimet mes Kosovës dhe Serbisë.
Këtë herë, Kearns ka reaguar ndaj zëdhënësit të Bashkimit Evropian, Peter Stano, duke thënë se ka mungesë ekuilibri në raportet BE-Kosovë.
Komenti i saj vjen pas deklaratës së Stanos ku thotë se ndëshkimet nga BE-ja janë dhënë pasi kanë parë se “autoritetet kosovare janë të paaftë të sillen në mënyrë evropiane”.
Deputetja theksoi se BE po harron veprimet e Serbisë.
“Zëdhënësi i BE-së tregon mungesën e plotë të ekuilibrit në marrëdhëniet e BE-së me Kosovën. Të thuash që Kosova ka ‘paaftësi për t’u sjellë në mënyrë evropiane’ është një keqinterpretim i rëndë, por më pas të mos përmendësh veprimet e Serbisë në listën e dhënë më poshtë?”, ka shkruar Kearns në një postim në Twitter.
.@JosepBorrellF’s spokesperson demonstrates the complete lack of balance in the EU’s dealings with Kosovo.
To say 🇽🇰 has “inability to behave in a European manner” is a gross misrepresentation, but then not to call out Serbia’s actions given list below?pic.twitter.com/xRsqRj5bD0 pic.twitter.com/f5PRIaXBhP
— Alicia Kearns MP (@aliciakearns) August 14, 2023