Aksioni i Antidrogës në Prizren: Konfiskohet drogë në vlerë rreth 70 mijë euro, katër të dyshuarit ndalohen për 48 orë

 Njësia e Antidrogës dje në hyrje-dalje të Autostradës në Prizren ndaloi një veturë të dyshimtë, nga ku iu gjet më pas substancë narkotike e llojit marihuanë.

Lidhur me këtë ka njoftuar edhe Policia e Kosovës, ku përveç drogës ka sekuestruar edhe një pushkë gjuetie, disa telefona, veturë e para të gatshme.

Sipas Policisë, droga e konfiskuar kishte vlerën e 70 mijë eurove ku u sekuestruan edhe dëshmi tjera relevante gjatë operacionit antidrogë.

“Lidhur me rastin është njoftuar Prokuroria dhe në vazhdën e operacionit policor me autorizim nga prokurori/ja kujdestare është realizuar kontrolli i shtëpisë së të dyshuarit me iniciale (S. S.) në fshatin “Grejkoc” të Suharekës dhe gjatë kontrollit si prova/dëshmi materiale janë sekuestruan si në vijim:

• Pesë (5) paketime të mbushura me substancë të dyshuar narkotike e llojit Marihuanë me peshë 50.600 Kilogram ( Pesëdhjetë kilogram e 600 gram).

• Një (1) pushkë gjuetie dhe 30 fishek.

• Një (1) diviar.

• Një (1) veturë,.

• Një (1) telefon Samsung me kartela të operatorëve Vala dhe Ipko.

• Një (1) peshore digjitale.

• Para të Gatshme, (1425) Njëmijë e katërqind e njëzet e pesë Euro.

• Një (1) Iphone 12 pro.

• Një (1) telefon Samsung.

• Një (1) telefon Iphone XS .

• Një (1) Telefon Nokia .

• Një (1) veturë BMW.

Të dyshuarit e arrestuar janë intervistuar në prezencë të avokatit mbrojtës dhe me vendim të prokurorit të shtetit ndalohen për 48 orë për procedura të mëtejme ligjore.

Vlera e substancës së dyshuar narkotike e cila është konfiskuar është rreth 70.000.00 euro (Shtatëdhjetë mijë Euro)”, u tha në njoftim.