Komuna e Prishtinës ka dalë me një njoftim pas reshjeve të shiut të cilat filluan në orët e hershme të së hënës.
Përmes një njoftimi, bëhet e ditur se në disa zona të kryeqytetit janë shkaktuar dëme materiale dhe ekipet e zjarrfikësve dhe Drejtoria e Sigurisë dhe Emergjencave në bashkëpunim me policinë janë duke i sanuar.
Postimi i plotë:
Të nderuar qytetarë,
Pash shiut të rrëmbyeshëm të mëngjesit të hershëm, në disa zona të kryeqytetit janë shkaktuar dëme materiale, të cilat ekipet e zjarrfikësve dhe Drejtorisë së Sigurisë dhe Emergjencave në bashkëpunim me policinë janë duke i sanuar.
Ju lutemi të keni durim në trafikun e ngarkuar i cili është shkaktuar për shkak të ndërhyrjeve në sanim nga ekipet e emergjencave.
Çdo rast rreziku ju lutemi raportoni në Qendrën Emergjente të Kryeqytetit në numrat: 0800 112 33 ose 0800 112 44