Po vazhdon normalisht procesi i votimit në dy komunat e Luginës së Preshevës.
Sipas zyrtarëve të Komisioneve Komunale Zgjedhore në Preshevë dhe Bujanoc gjithça është duke shkuar mirë.
13.5% është dalja e qytetarëve në votime në komunën e Bujanocit deri në ora 12:00, kurse në komunën e Preshevës deri këtë kohë kanë votuar 10.5 përqind e votuesve.
Të dhënat janë konfirmuar nga kryetarët e Kuvendeve Komunale Zgjedhore në këto komuna.
Alban Mehmeti, kryetar i KKZ në Preshevë ka thënë se gjithçka është duke shkuar mirë dhe nuk ka pasur asnjë incident që mund t’i jepte hije të keqe votimit, raporton Rtk.
Pasi kanë votuar, kandidatët për kryetar të komunave, kanë kërkuar nga të gjithë qytetarët që të dalin ta shfrytëzojnë të drejtën e votës.