Ishte një nga kritikët më të mëdhenj të migrimit, për çka edhe mori mbështetje të madhe nga klasa punëtore.
Megjithatë, me t’u ulur në karrigen e pushtetarit, kryeministri i Republikës i ka harruar premtimet, madje tani duke dhënë edhe leksione rreth ekonomisë së Gjermanisë, përcjell lajmi.net.
Përderisa komentonte ikjen e të rinjve, kishte përmendur faktin se paga në vendin më të zhvilluar në Evropë është nga 2000 deri në 3000, por që 1/3 shkon në qira.
Më pas numëroi edhe shpenzimet dhe pjesa e mbetur për konsum, duke bërë kështu një relevancë mes jetës këtu dhe atje.
Por, “fatkeqësisht” ky numër po vazhdon të rritet. Të jemi të qartë, thonjëzat janë vendosur për shkak se askush nuk ka të drejtë t’i thotë askujt se ku të jetojë, por numri i njerëzve në vendin tonë, e posaçërisht fuqisë punëtore, sa shkon e zvogëlohet.
Ishte instituti GAP, që duke u thirrur në publikimet e institucioneve shtetërore gjermane publikoi të dhënat e fundit.
Sipas këtyre numrave, shihet se që nga viti 2020, nga Kosova në drejtim të Gjermanisë kanë shkuar hiç më pak se 99 mijë persona.
Të dhënat e vitit 2022 tregojnë se nga gjithsej 330 mijë persona të lindur në Kosovë, mosha mesatare në kohën kur ata emigruan në Gjermani ishte 22 vjeç. Po ashtu, nga 264 mijë kosovarë aktivë në tregun e punës në Gjermani, 251 mijë janë të punësuar, ndërsa 13 mijë janë të papunë.
Raportin e plotë mund ta gjeni duke klikuar KËTU.