Banka Botërore në një raport për ekonominë globale të publikuar më 9 janar, ka parashikuar që Kosova do të ketë rritjen më të madhe ekonomike në rajon në vitin 2024.
Kosova parashihet të ketë një rritje ekonomike prej 3.9% në vitin 2024.
Në vendin e dytë renditen Shqipëria dhe Mali i Zi me nga 3.2% secila, pasura nga Serbia me 3.0%, Bosnja e Hercegovina 2.8% dhe Maqedonia e Veriut me 2.5%.
Raporti i Bankës Botërore për Perspektivat Ekonomike Globale thotë se ndërsa bota i afrohet mesit të asaj që synohej të ishte një dekadë transformuese për zhvillim, ekonomia globale do të shënojë një rekord të keq deri në fund të vitit 2024 – gjysmë dekada më e ngadaltë e rritjes së Bruto Prodhimit Vendor në 30 vjet.
Ndër të tjera, raporti zbulon se qeveritë në këto vende shpesh miratojnë politika fiskale që intensifikojnë bumet dhe rrënimet. Kur rritjet në çmimet e mallrave nxisin rritjen me një pikë përqindjeje, për shembull, qeveritë rrisin shpenzimet në mënyra që nxisin rritjen me 0.2 pikë përqindje shtesë.