Faqja jonë përdorë "cookies". Në momentin që pranoni këtë, pajtoheni me kushtet e përdorimit të portalit 07 Press. 

Gazetari Arlind Sadiku: Gliha do të shkarkohet, Kosova është në negociata me këtë trajner

Ndeshja ndaj Bjellorusisë do të jetë e fundit si trajner i Kosovës për Primozh Gliha, sipas gazetarit Arlind Sadiku.

Sadiku ka thënë se Federata e Futbollit të Kosovës ka nisur tashmë negociatat për emërimin e selektorit të ri të kombëtares A.

Të dielën në Klan Kosova, ai tha se drejtuesit e federatës kanë filluar negociatat me kandidatët e mundshëm dhe një nga emrat është Nenad Graçan, 61-vjeç, i cili aktualisht është trajner i Kombëtares së Kroacisë për femra.

Më parë, Graçan ka shërbyer si trajner i kombëtares kroate U-21 për gjashtë vite me radhë.

Gjatë udhëheqjes së tij nga 2013 deri më 2019, Graçan e ka kualifikuar Kroacinë U-21 një herë në Kampionatin Evropian.