Gjykata e Fierit ka caktuar sot masën e sigurisë ‘arrest me burg’ për 30 vjecarin Klodian Çobaj, autori i plagosjes me thikë të nënës së tij, Donika Çobaj. Ngjarja ndodhi në datën 5 korrik në Dukas të Patosit.
Masa e sigurisë është zhvilluar pa avokat, pasi këta të fundit kanë disa ditë që janë në grevë pa afat duke bojkotuar jo vetëm seancat gjyqësore, por edhe masat e sigurisë.
Autori i kësaj ngjarje të rëndë ka shfaqur pendese përpara togave te zeza. Burimet brenda gjykatës Fier bëjnë me dije për gazetarin e ‘News24’ dhe ‘BalkanWeb’ Ervis Kuçi se 30-vjeçari Klodian Cobaj ka thënë se e ka qëlluar nënën e tij në kushte të rënda psikologjike. Duke qarë gjatë gjithë seancës ai ka kërkuar t’i jepet dënimi maksimal për këtë vepër të rëndë.
I riu u shpreh se nuk mbante mend rrjedhën e ngjarjes kur plagosi me thikë nënën e tij. Pavarësisht rrëfimit të tij, nuk mësohet se cili është shkaku që e çoi Klodjan Çobaj në këtë vepër të rendë penale.
Gjyqtari i çështjes ishte Taulant Banushi dhe Prokuror Hysen Ajasllari. Togat e zeza pasi kanë dëgjuar prokurorin e çështjes dhe të pandehurin vendosi masën e sigurisë ‘arrest me burg’.
(BalkanWeb)