Kryeministri i Kosovës, Albin Kurti, është takuar me Ministrin e Jashtëm të Qipros, Ioannis Kasoulides në Athinë.
Kurti ka bërë të ditur se në takim është folur për thellimin e marrëdhënieve mes dy shteteve, teksa e ka falënderuar diplomatin qipriot për mbështetje në procesin e liberalizimit të vizave, shkruan Express.
“Kam folur me ministrin Ioannis Kasoulides për mundësitë e rritjes së komunikimit dhe bashkëpunimit ndërmjet Kosovës dhe Qipros. Ne theksuam potencialin për lëvizje pozitive në marrëdhëniet tona dypalëshe. E falënderova për mbështetjen e Qipros për liberalizimin e vizave për qytetarët e Kosovës”, shkroi Kurti në Twitter.
Nanën kam me ju **, ju la në histori” / 68-vjeçari sulmon me fshesë inspektorët e ndërtimit në Pejë
Qipro është një prej 5 vendeve të Bashkimit Europian që nuk e njeh pavarësinë e Kosovës.
Kurti po ashtu ka takuar sot ministrin e Jashtëm të Greqisë, Nikos Dendias, me të cilin ka biseduar për mundësinë e thellimit të raporteve mes dy vendeve, në kohën kur Greqia nuk e ka njohur ende pavarësinë e Kosovës.
Gjatë takimit, sipas njoftimit të Kryeministrisë, është theksuar nevoja edhe për liberalizimin e vizave për qytetarët e Kosovës, ku Kurti ka kërkuar ndihmën e Greqisë.
I spoke with Minister @IKasoulides about opportunities to increase communication and cooperation between Kosova and Cyprus. We emphasized the potential for positive movement in our bilateral relations. I thanked him for Cyprus' support of visa liberalization for Kosova’s citizens pic.twitter.com/TMPRqNn1KZ
— Albin Kurti (@albinkurti) July 5, 2022