Është konfirmuar tashmë interesimi i Chelsea për yllin portugez, Rafael Leao.
Ditët e fundit të merkatos së verës, Chelsea thuhej se kishte bërë disa lëvizje drejt Leao, por portugezi megjithatë mbeti te Milani.
Për këto zëra është pyetur drejtori i Milan, Paolo Maldini, i cili ka konfirmuar interesimin e ‘Bluve’ për anësorin më të mirë në Serie A.
“Rinovimi i kontratës është një problem që e kemi tash e disa muaj. Rafa e di se që të bëhet më i fortë sesa tani, zgjidhja është të qëndrojë me ne”, ka thënë Maldini, transmeton lajmi.net.
“Chelsea zyrtarisht bënë një ofertë të cilën nuk e pamë, por në nivel informues ata e bënë të ditur. Sigurisht, u refuzua”, ka shtuar tutje ai.
Rafael Leao është në vitin e fundit të kontratës me Milanin. Lojtari po refuzon rinovimin për shkak të pagës që po i ofrojnë ‘Rossoneri’.