Ministri i Shëndetësisë, Rifat Latifi është takuar në Vjenë me dy eurodeputetët austriak, Lukas Mandl, dhe Andreas Schieder, e po ashtu edhe përfaqësuesit e Shoqatës së Miqësisë Austri-Kosovë.
Por, gjatë këtij takimi ministri foli veç tjerash edhe për liberalizimin e vizave për Kosovën.
Në këtë takim u bisedua edhe për mundësinë e zhvillimit të sistemit shëndetësor të Kosovës, kështu u bë e ditur përmes një njoftimi të MSH-së.
Kongresi miraton Rezolutë për vëllezërit Bytyqi: Raporti SHBA-Serbi të varet nga zgjidhja e rastit
“Për këto çështje, ministri Latifi, kërkojë nga eurodeputetët, Mandl dhe Schieder, lobim më të madh në institucionet e Bashkimit Evropian, në mënyrë që të bëhet lëvizja më e lehtë e mjekëve tanë dhe e qytetarëve të Kosovës në përgjithësi në shtetet e Bashkimit Evropian”, thuhet në njoftimin e ministrisë.
Sipas njoftimit, Ministri Latifi, theksoi se mosliberalizimi i vizave po shkakton shumë probleme në shkëmbimin e përvojave dhe trajnimin e stafit të mjekëve, infermierëve dhe teknikëve, në vendet e Bashkimit Evropian.
“Ndërkaq, eurodeputetët austriak, z. Lukas Mandl dhe z. Andreas Schieder, premtuan angazhim më të madh për çështjen e liberalizimit të vizave, edhe pse Austria mbështet një gjë të tillë, e po ashtu edhe në përmirësimin e sistemit shëndetësor të Kosovës”, thuhet tutje në njoftim.
Një foshnje dhe nëntë fëmijë po trajtohen nga COVID-19 nëpër Klinikat e QKUK-së