Ministria e Mbrojtjes e Serbisë ka reaguar pas deklaratave nga kryeministri i Kosovës, Albin Kurti i cili tha se pas ngjarjes së Banjskës, në krye të ktij klani qëndron ministri i mbrojtjes i Serbisë, Millosh Vuçeviq.
Nëpërmjet një komunikate, ministria e mbrojtjes e Serbisë ka kërkuar menjëherë të ndalin – siç kanë thënë ata – fushatën e “ndyrë” mediatike të lidershipit të Prishtinës drejtuar Serbisë dhe zyrtarëve të saj.
“Theksojmë se në interes të ruajtjes së paqes dhe stabilitetit në Kosovë dhe Metohi, është e një rëndësie vendimtare që institucionet e përkohshme në Prishtinë të detyrohen që menjëherë të ndalojnë terrorin e përditshëm ndaj popullatës serbe, të zbatojnë të gjitha marrëveshjet e mëparshme dhe menjëherë të formojnë Unionin. Gënjeshtrat, fyerjet dhe shpifjet e pacipë të cilat Kurti i nxjerr çdo ditë si pjesë e një fushate të ndyrë mediatike kundër shtetit të Serbisë dhe lidershipit të saj, debutojnë plotësisht synimet e tij për të shkatërruar çdo mundësi për qetësimin e tensioneve në krahinën tonë jugore”, thuhet në një deklaratë të Ministrisë së Mbrojtjes së Serbisë.
Ata theksojnë se Ministria dhe Ushtria Serbe do të mbeten të përkushtuara ndaj roleve të tyre kushtetuese dhe ligjore për të ruajtur sigurinë dhe jetën paqësore të të gjithë qytetarëve të Serbisë.
“Ne jemi të bindur se deklaratat e sotme, si dhe një sërë deklaratash shpifëse të përfaqësuesve të institucioneve të përkohshme në Prishtinë, janë dëshmi e padyshimtë që kanë interes të shkaktojnë kaos dhe dhunë, dhe kanë interes për ruajtjen e paqes, vazhdimin e dialogut dhe arritjen. zgjidhje politike për krizën në Kosovë dhe Metohi”, përfundon komunikata.