E ndërsa në Vilnius hapi siparin samiti i NATO-s, Aleanca i parapriu këtij takimi të rëndësishëm me publikimin e anketës së përvitshme në 31 vendet aleate ku mat puslin e opinionit publik sa i takon mbështetjes për anëtarësimin në këtë aleancë, për shpenzimet dhe mbrojtjen kolektive.
Në tërësi mbështetja për NATO-n mbetet solide dhe fortë për rreth 32 mijë të anketuar nga 31 vendet e Aleancës. 65% e të anketuarve mendojnë se kombi i tyre duhet të vazhdojë të ofrojë ndihmë për Ukrainën.
Në krahasim me gjetjet e mëparshme, një pjesë dërrmuese e të anketuarve e konsiderojnë NATO-n të rëndësishme për sigurinë e ardhshme të kombit të tyre 73% do të votonin që vendi i tyre të mbetet anëtar i NATO-s në rast se zhvillohet referendum.
Sa i takon shqiptarëve ata renditen të parët në një klasifikim. 93% e shtetasve shqiptarë do të votonin që vendi i tyre të mbetej një anëtar i NATO-s nëse do të mbahej një referendum. Një vit më parë kjo shifër ishte 85%.
70% mendojnë se Shqipëria duhet t’i shkoje në ndihme një vendi aleat të Aleancës nëse sulmohet nga armiku.
82% e 500 të anketuarve thanë po ndihen më të sigurt si rezultat i bashkëpunimit të vendeve anëtarë të NATO-s.
Të renditur të tretët në fund të listës, shqiptarët nuk janë aspak të shqetësuar nëse do nisë një luftë mes vendeve të NATO-s në të ardhmen. 88% % e shqiptarëve e cilësojnë si shumë të rëndësishme dhe disi të rëndësishme Aleancën sa i takon sigurisë kombëtare. 52% besojnë se vendi duhet të shpenzojnë më shumë për mbrojten ndërsa 22% thonë se duhet të shpenzojmë në nivelet aktuale.
E renditur fundit në renditje shqiptarët mendojnë se vendi është i sigurt edhe pasi të përfundojë lufta në Ukrainë. Rreth dy të tretat e të anketuarve e konsiderojnë se pushtimi rus i Ukrainës ka ndikuar në sigurinë e vendit të tyre ndërsa gjysma e të anketuarve e shohin Kinën si të pafavorshme.