Opinionisti Ermal Sadiku deklaroi se mendon që partisë që i konvenojnë zgjedhjet e parakohshme më së shumti mund të jetë AAK-ja, pasi sipas tij, është parë si një prej atyre partive që ndoshta është si e mundshme që të krijojë qeverinë së bashku me Lëvizjen vetëvendosje nëse ata nuk mbërrijnë ta kalojnë 40 përqindëshin dhe i duhet për t’i pasur numrat.
“Për ta thjeshtësuar, i konvenon Lëvizjes Vetëvendosje dhe AAK-së dhe për këtë arsye më duket se po e shoh njëfarë presioni nga ana e AAK-së më shumë se prej PDK-se e LDK-së për t’u mbajtur zgjedhjet e parakohshme. E më së paku i konvenon popullit të Kosovës që të mbahen zgjedhjet e parakohshme”, deklaroi Sadiku në emisionin Rubikon në Klan Kosova.