Presidentja Vjosa Osmani ka thënë se ka tendenca që masat ndëshkuese të BE-së kundër Kosovës që vazhdojnë të jenë në fuqi të keqpërdoren për kushtëzim për krejt diçka tjetër.
Ajo tha se nëse ndodh kjo, vetëm ka efekt negativ, pasi Kosova i ka përmbushur të gjitha kërkesat e BE-së.
“Pajtohem se ka tendencë nga disa që masat të keqpërdoren si mënyrë për ta kushtëzuar Kosovën për çështje komplet të ndryshme nga arsyeja për të cilën ato janë vendosur në fillim. Një qasje të tillë e kam kundërshtuar edhe në Samitin BE-Ballkani Perëndimor. Kjo logjike sikur kur përdorej liberalizimi i vizave për të kushtëzuar Kosovën për çështje dialogu do të ketë vetëm efekt negativ. Nëse dikush mendon se të kushtëzohet heqja e masave me ndonjë veprim të Kosovës në kuadër të zbatimit të marrëveshjes, vetëm sa do të ketë efekt negativ. Masat duhet të hiqen, Kosova i ka plotësuar kërkesat e BE”, tha Osmani në konferencën e përbashkët me presidentin bullgar.
Osmani thekson se Kosova ka vepruar brenda territorit të saj e nuk ka pushtuar askënd, madje nuk ka përdorë dhunë e nuk ka rrezikuar askënd.
“Masat është dashur të hiqen që moti, në fakt nuk është dashur të vendosen kurrë. Përkundër mospajtimeve që kanë ekzistuar ndërmjet qeverisë së Kosovës dhe partnerëve në Bashkimin Evropian sa i përket 24 majit, Kosova ka vepruar brenda territorit të saj, nuk e ka pushtuar askënd, nuk ka përdorur dhunë, nuk e ka rrezikuar askënd që të meritonte masa të tilla të padrejta dhe joproporcionale. Tani që masat janë aty, nga Kosova është duke u kërkuar që të nënshrkuajë marrëveshje me Lajçak, e njohur si marrëveshja e Brastilavës, e cila i ka kërkuar tri gjëra nga Kosova”.
“E para, të krijohet bazë ligjore për zgjedhjet e reja, gjë e cila është kryer moti, zgjdhjet në veri. E dyta, të krijohet një protokol i ri bashkëpnuimi i sigurisë ndërmjet Kosovës dhe insticuioet ndërkombatre të sigurisë, KFOR dhe EULEX. Gjë që po ndodh. Dhe e treta që të dyja palët të kthehen në dialog, që poashtu ka ndodhur”.
“Përveç kësaj, Kurti më 26 tetor ka ofruar edhe nënëshkrimin e marrëveshjes bazike dhe dokumenteve të tjera përcjellëse. Ato që janë kërkuar për deeskalim tashmë kanë ndodhur dhe masat veçse është dashur të hiqen sepse janë masa të padrejta, aftektojnë negativisht jetën e qytetarëve tanë. Për fat të keq, akoma nuk janë larguar”, theksoi ajo./Paparaci