Raportuesja për Kosovën në Parlamentin Evropian, Viola Von Cramon deklaroi se Kosova duhet të bëjë progres në procesin e dialogut, para zgjedhjeve të Bashkimit Evropian më 9 qershor. Ajo përmendi edhe marrëveshjen bazike mes Kosovës dhe Serbisë të muajit shkurt, dhe aneksin e zbatimit, për çka tha se BE ka bërë gabim që nuk ka kërkuar nënshkrim nga palët.
Në konferencë për media, deputetja në Parlamentin Evropian deklaroi se masat ndëshkuese ndaj Kosovës duhet të hiqen.
Teksa e quajti vetën shoqe të mirë të Kosovës, ajo kërkoi progres më të madh të dialogut para zgjedhjeve në Bashkimin Evropian.
E pyetur për rolin e Bashkimit Evropian në raport me Kosovën e Serbisë, ajo tha se vitin e kaluar është bërë gabim i madh, ku nuk është insistuar për nëshkrimin e aneksit të marrëveshjes.