Gjykatën Themelore të Ferizajt këtë të martë ka nisur të mbahet seanca gjyqësore, në rastin në të cilin Dardan Krivaqa e Arbër Sejdiu akuzohen për vrasjen e Marigona Osmanit.
Në këtë seancë do të thuhen fjalët përfundimtare nga palët e rastit.
Kështu ka konfirmuar për Telegrafin zëdhënësja e Gjykatës së Ferizajt, Gentiana Hoxha.
Në seancën e fundit të akuzuarit dhanë mbrojtjen e tyre, me ç’rast Arbër Sejdiu u deklarua, ndërsa Dardan Krivaça vazhdoi të mbrohej në heshtje.
Vrasja e 18-vjeçares tronditi vendin në 22 gusht të vitit 2021.
Prokuroria e Ferizajt ka ngritur aktakuzë me datë 28.06.2022 ndaj Dardan Krivaçës dhe Arbër Sejdiut, të dyshuar për vrasjen mizore të Marigona Osmanit.
Krivaqën prokuroria e ngarkon me veprën penale vrasje e rëndë dhe dhunim, kurse Sejdiu po akuzohet për veprën penale vrasje e rëndë dhe ndihmë në kryerjen e dhunimit.
