Nesër (e martë) në Strasburg pritet të takohen zëvendësministrat e Punëve të Jashtme të vendeve anëtare të Këshillit të Evropës.
Sipas njoftimit në faqen e Këshillit të Evropës, ata do ta përgatisin agjendën për takimin e Komitetit të Ministrave që mbahet më 16-17 maj.
Në postimin e tij në X, Kryeministri Kurti takimin e sotëm me ambasadorët e QUINT’it e ka lidhur pikerisht me takimin e nesërm në Strasbourg.
“Para takimit të nesërm në Këshill të Evropës rreth agjendës së Komitetit të Ministrave, u takova me ambasadorët Francës, Gjermanisë, Italisë, Mbretërisë së Bashkuar, SHBA-ve dhe BE-së dhe rikujtova se Asambleja dhe Raportuesja Dora Bakoyannis kanë konkluduar se Kosova i ka plotësuar të gjitha kriteret për anëtarësim”, ka shkruar Kurti.