Lëvizja Vetëvendosje ka njoftuar se kryeministri Albin Kurti ka takuar bashkatdhetarët në Berlin, dhe me ta ka diskutuar për situatën politike në Kosovë, zhvillimet e fundit, si dhe ka prezantuar të arriturat përgjatë këtyre dy vjet e nëntë muajve në qeverisje.
VV thotë se mërgata vazhdon të jetë motor qendror për zhvilimin ekonomik dhe demokratik të Republikës tonë.
Njoftimi:
Kryeministri Albin Kurti takon bashkatdhetarët në Berlin!
Kryeministri, Albin Kurti, bashkë me nënkryetaren e Lëvizjes VETËVENDOSJE!, Mrika Limani Myrtaj, ministrin, Hajrulla Çeku, dhe kryetarin e Qendrës së Lëvizjes në Gjermani, Fahri Beqa, zhvilluan sot një takim me bashkatdhetarët tanë në Berlin të Gjermanisë.
Në këtë takim të përzemërt u diskutua për situatën politike në Kosovë, zhvillimet e fundit, si dhe u prezantuan të arriturat përgjatë këtyre dy vjet e nëntë muajve në qeverisje. Krahas miratimit të ligjit që ua mundëson bashkatdhetarëve votimin nëpër ambasada të Republikës tonë, kyçjes së të rinjve nga mërgata në Programin për Diplomaci, dhe investimeve që bashkatdhetarët kanë bërë në Kosovë, në këtë takim u fol edhe për rëndësinë e investimeve në sektorin e energjisë së ripërtrishme tash që është hapur ankadi.
Mërgata jonë vazhdon të jetë motor qendror për zhvilimin ekonomik dhe demokratik të Republikës tonë.