Qeveria e Kosovës e ka miratuar propozim-vendimin për shpronësimin e pronave së paluajtshme që preket nga realizimi i projektit “Konservimi dhe restaurimi i Shtëpisë në Kompleksin Memorial ‘Masakra e Reçakut’”.
Në fjalën e tij, kryeministri i vendit, Albin Kurti, tha se në prag të 25-vjetorit të masakrimit të 45 shqiptarëve nga forcat e Serbisë së Millosheviqit në Reçak, teksa i kujtojnë dhe nderojnë të gjitha viktimat dhe të mbijetuarit e asaj kohe të erret, Kosova nuk i amniston kriminelët dhe nuk i harron krimet e luftës.
“Nëpërmjet memorializimit, ne e luftojmë harresën dhe e mirëmbajmë kombëtarisht dhe institucionalisht kujtesën. Kështu e mbrojmë historinë dhe popullin e Kosovës”, tha Kurti, njofton Klankosova.tv.
Ndërsa, ministri i Infrastrukturës, Liburn Aliu, tha se pas mbajtjes së dëgjimit publik, Departamenti i Shpronësimit do t’i propozojë qeverisë që të miratojë vendimin preliminar mbi ligjshmërinë e shpronësimit të këtyre pronave.