Kryetari i PDK-së, Memli Krasniqi, ka takuar Komisionierin e BE-së për Fqinjësi dhe Zgjerim, Oliver Varhelyi.
Krasniqi bëri të ditur se me Varhelyin folën për procesin e integrimit evropian të Kosovës dhe rëndësinë që vendi të mos lihet mbrapa në këtë proces.
“Për shtetin dhe qytetarët tanë, është tejet e nevojshme që perspektiva evropiane të jetë e qartë dhe e prekshme”, tha Krasniqi.
Tutje, ai tha se për PDK-në, anëtarësimi i Kosovës në Bashkimin Evropian dhe institucionet euro-atlantike, është vizioni, misioni dhe rruga e vetme përpara.