Kurti: Në shtetndërtimin e Kosovës ka hisen më të madhe Adem Jashari

Sot është 26-vjetori i Epopesë së UÇK-së, ku me këtë rast, Kuvendi është duke mbajtur një seancë solmne për nder të flijimit të Adem Jasharit dhe familjes së tij.

Në Kuvend, fjalën e tij e ka marrë edhe kryeministri Albin Kurti, i cili ka treguar për historinë e popullit shqiptar dhe për heroizmin e familjes së Adem Jasharit, e cila luftoi për çlirimin e Kosovës.

“Adem Jashari dhe krejt çka përfaqëson figura e tij ka një hise shumë të madhe. Ajo është hisja e një njeriu që brenda kohës së tij dhe qenies së tij vepruese, lirinë e tij individuale e përbashkoi me lirinë e popullit të tij gjatë gjithë jetës deri në vdekje, deri në rënien heroike”, u shpreh shefi i qeverisë.

Tutje, Kurti tha se Adem Jashari është emri i përvetshëm i njeriut me të cilin mund t’i referohemi lirisë sonë.

“Liria ishte kushti i jetës e që u bë edhe kushti i vdekjes së Adem Jasharit. Andaj nëse historia është përparimi i vetëdijes së popujve për liri, atëherë Adem Jashari është emri i përvetshëm i njeriut me të cilin ne mund t’i referohemi lirisë sonë. Lavdi Adem Jasharit, familjes Jashari, UÇK-së dhe gjithë dëshmorëve të