Presidentja e vendit, Vjosa Osmani dhe ushtruesja e detyrës së drejtoreshës së USAID-it, Kerry Monaghan Hogler, kanë nënshkruar marrëveshje në vlerë prej 34.72 milionë euro.
Presidentja Osmani e falënderoi ShBA-në për ndihmën ndaj Kosovës.
“Së bashku le të vazhdojmë të shkruajmë kapituj të rinj të partneritetit mes Kosovës dhe ShBA-ve”, tha Osmani.
Marrëveshja e përbashkët parasheh mbështetjen e aktiviteteve të USAID-it në Kosovë.
Fondi do të mbështesë qëllimet strategjike të ShBA-së për Kosovën, tha ambasadori i ShBA-ve, Jeffrey Hovenier pas nënshkrimit të marrëveshjes.
“Që nga viti 1999, ShBA-ja ka investuar më shumë se 2 miliardë dollarë në Kosovë”, ka thënë Hovenier.