Komuna e Prishtinës ka njoftuar se është dënuar me 200 euro gjobë personi i cili ka hedhur lavatriçen nga ballkoni i banesës.
“Inspektorët e Inspektoratit të Kryeqytetit kanë gjobitur me 200 euro personin i cili ka hedhur në mënyrë të rrezikshme mbeturinat inerte nga ballkoni i një objekti duke rrezikuar kalimtarët e rastit”, njofton Komuna e Prishtinës.
Ata kanë bërë thirrje për qytetarët që të kenë kujdes, mos të hedhin mbeturina ku nuk lejohet sepse do të gjobiten bazuar në rregullore.