Një shtëpi në rrugën “Sadri Zeneli” në Gjakovë është përfshirë nga zjarri, për shkaqe ende të panjohura.
Shtëpia, pronari i së cilës është një mërgimtar, është bërë e tëra shkrumb e hi, si pasojë e flakëve që e kapluan, në orët e para të mëngjesit.
Posa Policia është njoftuar nga disa qytetarë për rastin, ka dalë në vendin e ngjarjes bashkë me Zjarrfikësit, me ç’rast është bërë lokalizimi i zjarrit.
Fatmirësisht nuk ka persona të lënduar dhe ende nuk duhet vlera e dëmit, për shkak se shtëpia është djegur tërësisht.
Lidhur me këtë rast, me urdhër të Prokurorit të Shtetit kanë nisur hetimet në drejtim të veprës penale “zjarrvënie”. /Sinjali
E rëndë: Humb jetën një 49-vjeçar si pasojë e aksidentit në Gjakovë, Policia jep detaje